ماذا حصل من تامر حسنى فى حفله جامعه المنصوره

زيكو يا احلى منتدى
انا النهارده عايزه اخد رايكم فى الى حصل فى الحفله بتاعت الجامعه عندنا فى المنصوره
السنه دى جامعه المنصوره كان فيها اسبوع شباب الجامعات وقررت الجامعه فى ختام الاسبوع والاحتفاليه انهم يجيبو مغنى للطلاب عشان يختم الاسبوع
والصراحه كانو قبل الاسبوع محتارين يختارو مغنى مين(الكلام ده مش من عندى ده كلام ناس من منظمين العلاقات العامه فالاسبوع)
المهم كانو ناوين يجيبو الكنج محمد منير لكن فالاخر وقع الاختيار على تامر حسنى وياريتهم ما اختروه !!

المهم يا جماعه التذاكر كانت بتتباع فى الجامعه مختلفه عن بعضها تذاكر الشباب غير تذاكر البنات غير تذاكر العائلات ويقال ان تذاكر البنات اغلى من تذاكر الشباب

والمتفق عليه فى تنظيم الحفله والى تمت فى استاد جامعه المنصوره ان البنات يبقو تحت قدام تامر على الاستديج والشباب بعيد عن البنات عند المدرجات وده لمنع اى اختلاط واى حوادث

المهم الحفله المفروض تبتدى الساعه 6
ولكن نيجى لليوم الموعود بتاع الحفله
الاستاد اتزحم وعربيات امن مركزى موجوده بالهبل محسسنى ان جمال مبارك جاى المنصوره
والشباب قعدو فى اماكنهم فوق والبنات تحت قدام الساتيدج والدى جى شغال وكل حاجه كانت تمام
الباشا بقه واصل الساعه 9 يعنى متاخر تلت ساعات على ميعاده
مش مهم طلع يغنى الساعه 10 ولكن الحفله انتهت الساعه 11 الا ربع
هتقولولى ازاى هقولكو دخله تامر كانت جامده موت وعجبت الناس وتامر بدا فى البدايه قال للشباب الى المفروض كان من المفترض انه يفضلو فى المدرجات قالهم انا عايز الشباب مع البنات تحت قدام الستديج قال ايه عشان يتفاعلو مع الاغانى
ومن هنا بدا الشباب ينطو من فوق الاسئسوار لارض الملعب والى رجليه تتكسر والى يتعور ونزلو يا حرام بهدله فى البنات وتحرشات وحاجه اخر بهدله وكله بامر تامر!!!!!!!1

الشباب مبطلوش طبعا بهدله فى البنات والبنات كتير منهم اتصابو واتعورو وعربيات الاسعاف شغاله نقل فالضحايا محسسنى انهم فى غزه ولا حاجه

المهم يعنى تامراعترض على ان فى بنات بيغمى عليها وطلب لوحده منهم الساعاف بنفسه (حنين اوى وقلبه طيييييييب)
واعترض على تصرفات الشباب وطلب منهم الهدوء(بس هو الى جابه لنفسه من الاول)

استمرت المضايقات للبنات والاصابات وعربيات الاسعاف شغاله زى الرز مبطلوش لما البنات اتبهدلت
ويقال ان فى جزمه اتحدفت فى وش تامر زى الى حصل مع بوش كده بس محدش عارف دى حريمى ولا رجالى!!!

وطبعا فى بنات عيطت وانهارت لما شافو تامر قدام عنيهم ويغمى عيلهم(جايز فقر دم ولا تامر بيجيب اناميه مش عارفه)
وفى ولاد حبو يطلعو يحضنو تامر ويا حرام نزلو البدى جاردز عليهم ضرب لما شلفطوا الواد وفالاخر تامر جرى عليهم وحماه وقالهم لا سيبوه وحضنه بحنيه والواد نزل راح لحال سبيله

وفالاخر الحفله اتلغت طبعا بعد كل الى حصل وانتهت الحفله 11 الا ربع رغم انها ابتدت 10

عامه يا تامر رساله من شعب المنصوره ووصلت ليك احنا مش عايزينك ولا بنحبك
وانت شفت الناس الى هناك من عشاق عمرو دياب وحماقى وايديك شفت حماقى جه السنه الى فاتت وعمل حفله وكانت مختلطه برضه ومحصلش فيها اى حاجه وكانت حفله زى الفل

عامه يا سيدى متشكرين وكل حفله وانت طيب

مشكورررررررررررر

مشكور على المرور

» تامر حسنى - مش عارف (( لفلسطين ))
» حصريا ايميل تامر حسنى الجديد
» كليب تامر حسنى مش عارف اعمل ايه دى فى دى بحجم 13 ميجا
» كليب تامر عاشور تسلم DvDRip الكليب الاصلي تحميل مباشر على اكثر من سيرفر
» ماذا قيل عن الصداقة ؟؟؟؟؟؟؟ ( معدومة فى زمن ده )